بتذكرك....بتذكرك

بتذكرك
لما الأمل يصبح رفيق
لمن عويناتك يجن عبر الطريق

واستنى أسمع كلمه منك حتى لو كانت شهيق

بتذكرك
لما الحروف الأبجدية تعتزل عهد الكتابة
لما الأماني العسجدية تتكتل في ظل شبابها
لمن عيوني من الدموع تصبح رهابا
ولمن قليبي من النزيف يجتر عذابا

بتذكرك
مين البيطرق بابي في كل الثواني
ومين البقدر كلمة الحب والمعاني
ومين السكن جواي وارتسم الأماني
ومين الخلد الأشعار واحات لي زماني

بتذكرك
لما الحياة تقيف معانيها الكبيرة عندك
لما المحبة يكون جذورها الرايعة وعدك
لما الصداقة عطر شذاها الورد خدك
ولما الأخوة الناسجة من عيني حلمك
.........تبقى رسمك......

بتذكرك
وأذكر معاك أجمل أغاني وأرددها
وأحلى الكلام قلناه في ذاك المسا
وأكتب حروفي الضايعة من جل الأسى
وأذكر حديث الأمسيات وكل المضى

بتذكرك
ياعزة الأنسان والأمنية
ياقصة الفنان والأغنية
ياروعة شلوخ الشايقية
ولوحة من صور شعبية

بتذكرك
لما الحروف تجتر عذابات السنين
وافضل أردد بشتهيك انا يا ضنين
أنت الخطى المرسومه وآه لو أعرف متين
أعزف على وتر النهاية واستكين

بتذكرك
جواي أسارير الفرح خافت تقول ليك الكلام
لمن مشاوير المحبة الغارقة تاهت في الزحام
والشجن أيمان عميق بالمستحيل ترفض تمام
تبقى الحبيب وأفراح الغريب والهواجس والمنام

بتذكرك
لحن جميل للأنس خلى
الشوق من بعدك تجلى
ودع سفاين بهجته وللماضى ولى
وشاخت تباريح لوعته وللعهد صلى

بتذكرك
يا حبي يا خلي الوفي
عمري من بعدك شقي
وايامي تمشي وما بتجي
للنظرة أبدا اشتهي
وللروح أفدي وأفتدي

بتذكرك
والظروف القاسية طرفك
والمحلات الحزينة الكاينة صدرك
والقدر لو مره حقق ليك حلمك
كان بقيت ليك ظلك

جميل يا وهيب

أبوالطيب العباسي كتب:: جميل يا وهيب

تسلم يالعباسي لك ودي وفائق

تقديري واحترامي مرورك جميل ورائع

دمت بكل ود